7月17日

嘻嘻~~因為小夢既老公豬近日放大假....所以無咩野時間上來update呀....sorry~
見今日8號風球....先有d時間update^^~
好啦....今日教大家既係.....pizza hut食到既蒜蓉包啦....yeah~~
今次小夢再用中種法.....然後做了兩條....一條就塗上超市購買既香草蒜蓉醬....
而另一條就塗上李錦記既蒜蓉.....試下邊一種係最好食....
實驗結果顯示......李錦記係好食好多既....

李錦記 :  個樣唔似....因為蒜頭好大粒...口感亦唔好....但係味道真係似足pizza hut
香草蒜蓉醬 :  個樣就好似....但係味道真係無咩野蒜味....唔夠香....

所以我覺得...如果能將李錦記既蒜蓉.....花d時間磨爛....變得幼細d....咁就100%正~
不過我未試呢~~如果做完我再post上黎先~^^
好啦.....去片~~*

下面係用左香草蒜蓉醬....唔係咁好食....我估轉返無香草果種可能好d....
因為個味太重香草味.....但個樣就100%似出面街的~*

近鏡影一幅先~~~睇下幾正....下面既係李錦記蒜蓉....粗粒既~*

兩條包包岩岩出爐....真係口水流~*

比大家睇下岩岩出爐時既樣先....好靚仔嫁~*

蒜蓉包     (3.5吋 x 7吋模)  <<<上圖呢個模係十蚊店買的

材料 :

中種麵糰
高筋麵粉                 90g
乾依士                     2g
鮮奶                         68g
糖                             5g

主麵糰
高筋麵粉                 50g
蛋                             15g
糖                             15g
鹽                             1g
牛油                         13克

蒜蓉醬                     適量  (焗完後才塗上)
鮮奶                         適量  (掃面用)
芝麻                         適量  (鋪面用)

中種麵糰製法 :

1) 將鮮奶用熱水浸至微暖, 加入乾依士靜置5分鐘, 然後拌勻至溶解
2) 用一個大盤, 加入高粉及糖, 然後加入製法(1), 用膠刮拌勻即可
    (不用搓揉)    (圖1)
3) 包上保鮮紙, 放到溫暖的密室, 靜置發酵 2-3 小時, 至2-3倍大   (圖2)

主麵糰製法 :

1) 將中種麵糰, 篩入高粉, 加入糖及鹽, 中間挖出一個洞加入蛋液, 然後拌勻 (圖3)
2) 倒左工作台上, 搓揉10-15分鐘至光滑  
3) 放入已塗油的盤內, 進行第一次發酵, 45-60分鐘   (圖4-5)
4) 滾圓, 蓋上保鮮紙鬆弛10分鐘   (圖6)  (下圖是兩條份量)
5) 吐司模塗油     (圖7)
6) 將麵糰按薄, 捲起, 收口向下, 放入吐司模內    (圖8-10)
7) 蓋上保鮮紙作最後發酵至九分滿    (圖11)
8) 輕手掃上鮮奶, 然後鋪上芝麻, 再掃多一次鮮奶  (為了想芝麻黏實d) (圖12)
9) 放入已預熱200度之焗爐, 焗25-30分鐘即成   (圖13)

溫馨提示 :
如果怕焦黑, 於入爐後約10-15分鐘, 或至你想要的顏色後, 加蓋上一張鍚紙
出爐後要即時脫模, 防止有水氣令包身變軟

蒜蓉味做法 :

1) 切開麵包, 再塗上蒜蓉, 加蓋一張鍚紙
2) 放入焗爐用160度, 再焗5-10分鐘即成

溫馨提示 :
大家如果想食比較乾及脆身的蒜蓉包, 只要將逐塊麵包平鋪, 烘至乾硬即可
如果放涼了, 只要放入微波爐叮30秒就會非常好吃的呀~!!

小夢小小圖解 :

<<<<小夢買既香草蒜蓉醬

希望大家喜歡小夢今次既蒜蓉包包啦~^^v